炒車

廣東人慣用的“形容詞”，有時的確幾抵死。

今早一出門口就發生小意外，騎“小綿羊”落斜路時“跣呔”，接著當然“應聲倒地”．．．擦損的地方，正正又是幾年前意外整傷的部位－－－舊患＋新傷，真是好不熱鬧～～


負傷返公司，同事問起“隻腳做咩跛跛下”，都唔知點樣解釋好，就用兩個字做總結：炒車。

簡單．易明．全面咁描述事情經過！

有時候講得越多，反而令人越唔明，仲可能會令人誤會～～

撻低嘅時候似唔似“炒餸”，又或者有冇“炒餸咁嘅聲”我唔知道，我只知道自己痛到“雪雪聲”．．．

“車”都可以用來“炒”，而又令大家都明發生咗咩事，廣東人，你係得嘅！